المشاركة رقم تم النشر فى :06 - 12 - 2010
.AWARDS
اصدقاء المنتدئ
اصدقاء المنتدئ
SMS ~ [+
خميس الصياد
.البيانات ♛لونك المفضل» : جيت فيذا » :
تم النشر فى :06 - 12 - 2010
.
أوديب واللمبي ... في السيدة الزينب !!!! ( الجزء الأول )
[center]الجزء الأول
منقول
بقلم مش عاجبنى حاجه
================== عندما انتهى من كتابة روايته ... أحس بإرهاق شديد .. غالبه النعاس .. و...... ======================= اللمبي :: قوم فز ..فز ياد .. سوفوكليس :: ايه .. مين .. ازاي ..انت مين .. اللمبي:: بقى مش عارف انا ابقى مين ياحدوقة .. دانا يومين وصورتي هتنزل على الجنيه .. سوفوكليس :: جنيه ايه وبتاع ايه ..انت مين ياعم انت .. اللمبي :: انا .. انا اللى هوريك النجوم في عز الظهر .. انا اللى هوريك اللى عمرك ماشفته .. سوفوكليس : (بخوف وارتياع )) ايه ده .. انا فيين .. اللمبي :: ((بصوت خفيض )) انت مت ... ايوة ياعم كورنفليكس انت ..مت سوفوكليس :: ((صارخا )) ايه ..مت !!! اللمبي :: هههههههههههه ... انت اتخضيت ..عليا الطلاق بالتلاتة ياحاج سولفيش انت اتخضيت .. هههههه سوفوكليس :: ممكن اعرف انا مت ليه ..وانت عايز مني ايه اللمبي:: مت ليه .. ليه ..هوا انت فاكر انك ممكن تستجرى وماتمتش .. عبيط ده ولا ايه .. اما حكاية انا عايز منك ايه ..فده موضوع قديم شوية..اصحى صحصح فوق كده معايا وركز .. سوفوكليس ::معاك ..اتكلم .. اللمبي ::هوا انتى شايفني دكر بط ... مانا هتكلم اهو شوف ياعم بلوبيف انت .. الحكاية ومافيها .. انك اتبلطجت .. واتبلطجت بلطجة مايعملهاش عيل من اللى بيشمو كله تحت كوبري الملك الصالح .. والبلطجة دي ياعم الامور عملت بلاوي كتير .. مش هنا بس..لا .. ابسولتلي ..دي عملت مشكلة في الدنيا كلها .. سوفوكليس :: مشكلة ايه ..انا مش فاهم حاجة اللمبي : ((ممسكا بياقته في عنف )) ولا ..قر واعترف ياد ..هخلي الرصاصتين يسلموا على بعض ..قر ياد :سوفوكليس :: أقر بإيه .. اللمبيى :: بالحقيقة سوفوكليس:: حقيقة ايه اللمبي :: ولا ..فاكر اوديب ياد .. سوفوكليس :: اوديب .. ايوة .. دي روايتي .. اللمبي :: لا ياعم الكتكوت ..دي مش روايتك .. دي مصيبتك السودة اللى هتحط على دماغك ودماغ اللى خلفو كسوفوكليس :: فيه ايه بس ..مالها الرواية ..فهمنى .. اللمبي:: المشكلة ياسي الاستاذ .. انك خليت اوديب متعذب ومن أول الرواية .. أول مرة لما ابوه رماه في الصحرا ..ثاني مره لما قتل ابوه واتجوز امه وهوا مايعرفش .. وبقم اخواته هما عياله ..يعني يصحي الصبح يلاقي اخته بقت بنت خالته .. والمرة الثالثة ياعم الكاتب الكبير ..لما خليته فقع عنيه ولما خليت انتيجونا تموت لما اخوها حبسها ..عرفت بقى انت عملت ايه سوفوكليس ::طيب وايه المشكلة ... ده خيال .. اللمبي :: خيال ؟؟!! ..خيال ايه ياعم الأمور .. دانت هتشوف ايام سودة ..دا انا هعلمك تبطل خيال ..هخليك ..شوف ..اهو سوفوكليس :: ليه بس .. مش هوا ده قدرهم .. اللمبي :: ماتجيبش سيرة القدر على لسانك ..القدر بريء منك ومن أمثالك سوفوكليس :: ليه ..حاول تفكر .. اللمبي :: افكر في ايه ..هما ماختاروش .. سوفوكليس :: وهوا القدر حد بيختاره .. اللمبي :: يعني ايه .. سوفوكليس : يعني ده مكتوب عليهم ... أوديب من البداية والساحرة تنبأت له بكل اللى هيحصله ..ومحدش رضي بالمكتوب ..تحدوه .. أبوه لما عرف ان ابنه وفلذه كبده اللى استناه عشان يحكم العرش هيقتله ويتجوز امه .. تحدى الآله ورماه في الصحرا ..كانت النتيجة ايه .. كانت النتيجة ان اوديب كبر في الصحرا ..واغار على جيش ابوه ..وقتله ..واتجوز امه .. اللمبي :: بس هوا ماخترش .. سوفوكليس :: طيب ..مانا عارف .. اللمبي :: انت اللى كتبت ..وانت اللى ممكن تغير مجرى الحكاية .. سوفوكليس :: ماينفعش .. اللمبي:: ((بإرتباك وعصبيه )) ليه .. ماينفعش ليه ..ألف نهاية تانية.. مثلا اوديب قبل ما يتجوزامه يعرف انها امه او هيا تعرفه ..وبعدين يملكهوا المملكة وخلاص .. ولا ممكن نقول انه ما أغارش على بلاد ابوه من اساسه .. بس المهم ..النهاية تتغير .. سوفوكليس :: النهاية مكتوبة..ولا مهرب منها .. اللمبي :: لا ..لازم تتغير .. سوفوكليس :: انا قلتلك انه قدره .. ماشي زي ماهو مرسوم عليه .. اللمبي :: لا ..هوا ماختارش.. سوفوكليس :: ومالوش مجال للإختيار .. اللمبي :: لا مستحيل .. لا .. لالالالالالالالالالالالا......... سوفوكليس ::النهاية مكتوبة .. ولا مهرب منها .... اللمبي : لالالالالالالالالالالالالالالالالالا يتبع ........
[/center]
مدونتي خميس الصياد
أسم العضو : خميس الصياد هل ترغب في التعليق على رسالة العضو خميس الصياد
الــرد الســـريـع
الاعضاء الدين شاركوا في الموضوع
تعليمات المشاركة
صلاحيات هذا المنتدى:
لاتستطيع الرد على المواضيع في هذا المنتدى
كود HTML معطلة
ملتقى خميس الصياد
.gif "smawe")
عضويتي »
موضوع: أوديب واللمبي ... في السيدة الزينب !!!! ( الجزء الأول )
