الحب المزيف ابوابه كتيرة وليه مخرج واحد عنده ميت
لسان ولسان
ورده جاهز رهوان وعنده حاسه مش عند مين ماكان
بيعرف مين الخالى من المهموم مين الحالم من المعدوم
ومين انخان ومين عطشان ومين لساه اخضر لمون
ومين انظلم
ومين انحرم ومين انسرق منه الامان
ومين جامد ومين حنون
ويدوس على الالم بخفة حلم وبرعشة آه دوابة تاخد
الروح من توبها وتعدى زى سحابة
بعد ما يكون نال وده وغرز
انيابه بسعاده
مش مهم عنده مين اتحرق بناره او غرق فى بحر اوهامه
او مات مقهور
الكلمة عنده رخيصة ملهاش ميزان ناعمة زى جلده
بتلسع زى النار
الوانة كتيرة وفى كل مكان وتيابة معلقة على شماعات
الايام وفى دواليب الاحزان على كل الاشكال
الحب المزيف صنعة بشر
فقدوا الحنان فقدوا الاحساس
فقدوا الايمان
الحب المزيف ابوابه كتيرة
السبت أغسطس 20, 2022 11:27 pm
الخميس مايو 09, 2024 6:40 am