أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
الليلة خوف، السما صاحت ألم، برق ورعد مرني وعد.. خذني لـ عيونك، بس.. أملّي ناظري وافتح شبابيك الفرح، في مبسمي.. خل الحزن يسري، مع همس الشفق، لأبعد ديار !
الليلة حلم، سافر لك بـ رفة جفن طول المسافة.. هم، واللحظة سكون مرني جنون.. خذني على اسيافك، أبي أركض حفا أبني من ترابك، عمر.. حضن.. ووفا أرقص على ضوّك.. قمر، نجمة.. وبدونك انكسر ! ما للوله عندي اختيار !
الليلة سهر واحساس مرهق، منكسر أكتب لك بـ دمع الشعر، جمر الكلام.. مرني منام، وخلني على صدرك، أنام.. هدني التعب لملم بقايا الليل، في جفن وهدب.. خلني قريبة لـ مبسمك، أحسب دقايق غربتي في نبض قلبك، دنيتي ! ياللي هواك انت، حكاية حب، واشواق ومرار..
الليلة شوق الحب هدهده الصبر، مرني عطر.. وأنفاس يسكنها جمر ألبس وجوم الليل وفـ وجهي تعابير المسافر لحظة يحين الرحيل أمد كفي للغياب ألمس عتاب الوقت ويطردني سراب وما أمّل الهم، ولا ملنّي العذاب.. أضحك شقا.. وأقصى احاسيسي انكسار !
الليلة غير عن كل ليلة، فـ كل شي.. إلا ارتعاشي، وبرد أطرافي.. وخوفي، والأنين اللي ملا بـ الهم يوفي.. والسهر.. لما يشق الصبح ويغريني بـ فجر يشرق أمل في ناظري، وينكسر..!
الليلة غير عن كل ليلة، فـ كل شي.. إلا شرودي.. ودمع عيني، والوله يا انت يا آخر حنيني، وأوّله ! كل شي غير.. إلا جنوني ولهفتي إلا أنيني، وغربتي لما يفز وجهك من أحلامي، ويسرقني فرح.. ولما اقوم ومنت جدامي، وصدري ينذبح !
الليلة ماهي غير.. لكن، كنت ابيك، أكثر.. تصوّر، كنت أحبك حيل... تدري ؟ كان شوقي غير.. أكثر ! أو أنا كل ليلة أحبك ؟ وانت تدري، شكثر أحبك.. وانت تدري... وما تقدّر !
الليلة غير، عن كل ليلة فـ كل شي.. إلا هواي، واحساسي انك مو معاي.. أو انت دايم مو معاي ! وهذا عناي.. في كل ليلة، برد... وجنون وغياب شباك يفضح وحدتي للريح، لـ دموع السحاب ! أنزف صبر، مرني على غفلة عمر، خذني غرام.. وخلني على صدركـــ انام،هدنّي التعب !
ملتقى خميس الصياد
.gif "smawe")
عضويتي »
موضوع: خلني على صدرك أنام، هدنّي التعب
موضوع: رد: خلني على صدرك أنام، هدنّي التعب 
